Rabbie Burns

Up In The Morning Early

Chorus: Up in the morning's no for me.
Up in the morning early;
When a' the hills are covered wi' snaw,
I'm sure it's winter fairly.

Caul blaws the wind frae east to west,
The drift is driving sairly;
Sae loud and shill's I hear the blast,
I'm sure it's winter fairly.

Chorus: Up in the morning's no for me.
Up in the morning early;
When a' the hills are covered wi' snaw,
I'm sure it's winter fairly.

The birds sit chittering in the thorn,
A'day they fare but sparely;
And lang's the night frae e'en to morn,
I'm sure it's winter fairly.

Chorus: Up in the morning's no for me.
Up in the morning early;
When a' the hills are covered wi' snaw,
I'm sure it's winter fairly.