The Paradise

Sitúovos. A foto está realizada dende a República dos Mil Ríos, concretamente no alto do monte de Santa Tecra (A Garda- Pontevedra). Ao Sur vemos a outra e única república da Pinínsula Ibérica oficialmente recoñecida, é dicir, a República Lusitana. Ao Leste o grandioso Océano Atlántico. E xa por fin, proveniente do interior dende o Leste o gran Patriarca e Cabaleiro dos Mil Ríos, O MIÑO.

Ao longo de sucesivos días intentareivos ir insinuando, ao meu xeito e con fotos de non moita calidade, os múltiples e curiosos feitos que acontecen no que vai quedando deste outrora Paraíso, que un día chego a estar dominado por nós, os Castrexos.

PD.- A esta nova República, e para acurtar, a bautizarei co nome de REOS en honra ao Rei dos Peixes o Reo (Peixe da mesma especie cá troita, de tamaño e características intermedias entre esta e o salmón, que nace nos ríos de augas claras e frescas, onde vive os primeiros anos, logo baixa ó mar, e torna ó río onde naceu para desovar. Bo, isto era antes agora case nin quedan .