The Puddock

The Puddock
A puddock sat by the lochan's brim,
An' he thocht there was never a puddock like him.
He sat on his hurdies, he waggled his legs,
An' cockit his heid as he glowered throu' the seggs.
The bigsy wee cratur' was feelin' that prood,
He gapit his mou' an' he croakit oot lood:
"Gin ye'd a' like tae see a richt puddock," quo' he,
"Ye'll never, I'll sweer, get a better nor me.
I've fem'lies an' wives an' a weel-plenished hame,
Wi' drink for my thrapple an' meat for my wame.
The lasses aye thocht me a fine strappin' chiel,
An' I ken I'm a rale bonny singer as weel.
I'm nae gaun tae blaw, but th' truth I maun tell-
I believe I'm the verra MacPuddock himsel'." ...

A heron was hungry an' needin' tae sup,
Sae he nabbit th' puddock and gollup't him up;
Syne runkled his feathers: "A peer thing," quo' he,
"But - puddocks is nae fit they eesed tae be."
John M. Caie
from The Kindly North: verse in Scots and English (D. Wyllie & Son, 1934)

.....bit of garlic butter, quick sear, beautiful!