The Sair Finger

The Sair Finger


You've hurt your finger? Puir wee man!
Your pinkie? Deary me!
Noo, juist you haud it that wey till
I get my specs and see!

My, so it is - and there's the skelf!
Noo, dinna greet nae mair.
See there - my needle's gotten't out!
I'm sure that wasna sair?

And noo, to make it hale the morn,
Put on a wee bit saw,
And tie a Bonnie hankie roun't
Noo, there na - rin awa'!

Your finger sair ana'? Ye rogue,
You're only lettin' on.
Weel, weel, then - see noo, there ye are,
Row'd up the same as John!

by Walter Wingate


- I'm not a man and it wasn't a skelf, it was a cling film dispenser but I've always loved this poem!

My granny used to say it whenever any of my cousins or I hurt our hands and it always comes to mind when I get a sair finger!